Er adam 10 táýlikke qamaldy. Sot málimetinshe, ol spırttik ishimdik iship, otbasyndaǵy janjal kezinde jubaıyna qurmetsizdik tanytqan, dep habarlaıdy Egemen.kz.
Syrdarııa aýdandyq soty azamat B.-ǵa qatysty ákimshilik quqyq buzýshylyq týraly isti qarady. Ol Qazaqstan Respýblıkasynyń Ákimshilik quqyq buzýshylyq týraly kodeksiniń 73-baby 2-bóligine (qaıtalap jasalǵan usaq buzaqylyq) sáıkes kináli dep tanyldy.
Sottyń málimetinshe, azamat B. úıinde spırttik ishimdik iship, áıeline balaǵat sózder aıtyp, oǵan qurmetsizdik tanytqan. Ol qoǵam tynyshtyǵyn buzyp, buzaqylyq áreketti osyǵan deıingi ákimshilik jazaǵa tartylǵannan keıin bir jyl ishinde qaıtalap jasaǵan.
Sotta quqyq buzýshynyń kinási usynylǵan dáleldermen rastaldy.
Sot sheshimimen azamat B.-ǵa 10 táýlikke ákimshilik qamaý túrinde jaza taǵaıyndaldy. Sonymen qatar, oǵan alty aı merzimge alkogoldi ishimdikterdi, esirtki jáne psıhotroptyq zattardy paıdalanýǵa tolyq tyıym salyndy.