Mádenıet jáne aqparat mınıstrliginiń qoldaýymen Petropavl qalasyndaǵy «Qyzyljar Creative Center» kreatıvti ortalyǵynda «Yandex Qazaqstan» akselerasııalyq aptalyǵy bastaldy.
Oqytý baǵdarlamasyna elimizdiń barlyq óńirinen kelgen kreatıvti ındýstrııa ókilderi qatysyp jatyr. Onyń ishinde tájirıbeli mamandar men jas kreatorlar da bar.
Baǵdarlamanyń maqsaty – kreatorlarǵa shyǵarmashylyǵynan tabys tabýdy úıretip, ınvestısııa tartý úshin bilim men qajetti qural usyný. Sonymen qatar qatysýshylar kreatıvti qyzmet boıynsha quqyqtyq biliktiligin arttyrady. Atap aıtsaq, zııatkerlik menshik quqyǵyn qorǵaý, avtorlyq quqyq jáne salyq máselelerimen tanysady.
Akselerasııa aıasynda otandyq jáne sheteldik kınoóndiris mamandarynyń sheberlik sabaqta-ry ótedi. Sondaı-aq elimizdegi kreatıvti habtardyń rezıdent-terine arnalǵan onlaın translıasııa júrgiziledi.
Is-shara aıasynda «Kınodaǵy Abaı beınesi», «Qazaqstandaǵy serıalǵa prodıýserlik etý», «Anımasııadaǵy kommersııa men shyǵarmashylyq», «Rejısser shyǵarmashylyǵyndaǵy órleý men quldyraý», «Kreatorlarǵa arnalǵan marketıng», t.b. taqyryptar boıynsha sheberlik sabaqtary ótip jatyr.
Aıta keteıik, bul – Mádenıet jáne aqparat mınıstrligi men «Yandex Qazaqstan» birlesip uıymdastyrǵan alǵashqy akselerasııalyq baǵdarlama. Aldaǵy ýaqytta oqytý taǵy bes óńirde jalǵasatyn bolady.