PETROPAVL. 16 aqpan. Coltústik Qazaqstan oblysy Aqqaıyń aýdany Cherkassk eldi mekeninde mal qora órtenip, sharýashylyqqa úlken shyǵyn keldi. Bul týraly egemen.kz tilshisi habarlady.
Aqqaıyń aýdany aýmaǵynda ornalasqan aýyldaǵy osy attas seriktestik kóp jyldan beri mal sharýashylyǵymen shuǵyldanyp keledi. Kútpegen oqıǵa túnde oryn alǵan. Qamys qora az ýaqyttyń ishinde qyzyl jalynǵa oranyp, typ-tıpyl bolǵan. Aıtyp kelmegen zobalańnyń saldarynan 38 jastaǵy Qaırat Bekturov esimdi kúzetshi men 80 buzaý órtenip ketken. Bul aqparatty bizben habarlasqan Qaırattyń týysqany Sáýle Jákenova da, basqalar da rastady. Marqumnyń denesi 14 aqpan kúni jer qoınyna berildi.
Búginde órttiń shyǵý sebepteri anyqtalýda. Ol týraly túrli joramaldar aıtylýda.
Bir tańqalarlyǵy, shalǵaıdaǵy aýylda oryn alǵan qaıǵyly oqıǵa jóninde baspasóz betterinde eshqandaı aqparat jarııalanbady. Oblystyq tótenshe jaǵdaılar jónindegi departamenti baspasóz qyzmetiniń bas mamany Evgenıı Jýravlevke telefon soqqanymyzda basshylyqpen sóıleseıin degen keıip tanytyp, qashqalaqtady.
Aqqaıyń aýdanynda mundaı oqys jaıttar jıilep ketti. Burnaǵy jyly «juqpaly mal aýrýy shyqty» degen jeleýmen shetelden ákelingen bir myńǵa tarta asyl tuqymdy sıyrlar men oınaq salyp júrgen buzaýlarǵa ýkol salyp, óltirilgen bolatyn. Odan keıin sý munarasy men elevator qulap, adam ólimine soqtyrǵan edi.
О́mir Esqalı.
Derek: egemen.kz.
Sýret: news.nur.kz.