2025 jyldyń I toqsany boıynsha «Atameken» ulttyq kásipkerler palatasy júrgizetin «Iskerlik klımat» reıtınginde Ulytaý oblysy joǵary kórsetkishterge qol jetkizip, shaǵyn jáne orta bıznesti damytýda kóshbasshylyq pozısııasyn nyǵaıtty, dep habarlaıdy Egemen.kz.
Jezqazǵan qalasy ákimdiginiń habarlaýynsha, ótken jyldyń qorytyndysy boıynsha da úzdik nátıjeler kórsetken óńir bıyl óz jetistikterin odan ári arttyra túsken. Bul oblysta kásipkerlikti damytýǵa baǵyttalǵan memlekettik saıasat pen qoldaý sharalarynyń tıimdi júzege asyp jatqanyn aıqyn dáleldeıdi.
«Atap aı̆tqanda, shaǵyn bıznesti damytý jáne memlekettik qoldaý sharalarynyń qoljetimdiligi boı̆ynsha 1-orynǵa ıe boldy. Sondaı̆ – aq memlekettik organdarmen máselelerdi sheshýdiń «beı̆resmı tásilderine» salystyrmaly túrde tómen táýeldiligin kórsetedi», delingen habarlamada.
Orta bıznesti damytýda da aıtarlyqtaı serpilis bar. Eger 2024 jyly oblys bul kórsetkish boıynsha 15-orynda bolsa, 2025 jyldyń alǵashqy toqsanynda 8-orynǵa kóterilgen. Bul jetistik óńirdegi kásipkerlik ınfraqurylymnyń nyǵaıyp, orta kásip ıelerine qolaıly orta qalyptasyp jatqanyn kórsetedi.