Atyraý qalasynda bilim salasyndaǵy mekemelerdiń jylytý júıesin tekserý bastaldy. Tekserý aldaǵy qysqy maýsymǵa daıyndyq aıasynda júrgizilip jatyr, dep jazady Egemen.kz.
Atyraý qalalyq bilim bólimi basshysynyń orynbasary Ermek Mámbetovanyń deregine qaraǵanda, munaıly shaharda 68 mektep, 47 balabaqsha bar.
«Qaladaǵy 39 mektep pen 26 balabaqshaǵa jylý qazandyqpen beriledi. О́zgeleri ortalyqtandyrylǵan jylytý júıesine qosyldy. Ortalyqtandyrylǵan jeliden 8 kolledj jylý alady. Taǵy 8 kolledj derbes gaz júıesimen jabdyqtaldy», deıdi Ermek Mámbetova.
Onyń aıtýynsha, derbes qazandyqpen qamtylǵan mekemelerge «Jahan Atyraý» JShS servıstik qyzmet kórsetedi. Osyǵan baılanysty oblystyq bilim berý basqarmasy men kompanııa arasynda kelisimshart jasalǵan.
«Bizdiń kompanııa Atyraý qalasy men Isataı, Qurmanǵazy, Mahambet, Jylyoı, Inder, Maqat, Qyzylqoǵa aýdandaryndaǵy 310 mekemeniń jylý qazandyǵyn qaraıdy. Qazandyqtardy udaıy tekserip, jóndeý júrgizemiz. Tozyǵy jetken jabdyqtardy aýystyrý sekildi servıstik qyzmet kórsetemiz. Barlyq mektep pen balabaqshanyń jylý qazandyqtary tolyq tekserýden ótkizildi», deıdi kompanııanyń jetekshi ınjeneri Baǵytjan Bazar.
Jetekshi ınjenerdiń málimetinshe, qazandyqtardyń 70 paıyzy jóndeýdi qajet etpeıdi. Al, 10 paıyzyna kishi jóndeý júrgiziledi. Taǵy 20 paıyzynyń qazandyǵy men jabdyqtaryn aýystyrý qajet.