О́ndiris qaldyǵy azaıar emes

О́ńirdegi tabıǵat paı­dalanýshylardyń má­limetterine súıensek, 2024 jyly Pavlodar oblysyn­da ónerkásip salalaryna baıla­nys­ty jınalǵan óndiristik qal­dyq kólemi 219 mln 89,2 myń tonnany quraǵan.

– Jer qoınaýyn paıdalanýshy kásiporyndardyń Ekologııalyq kodekstiń 87, 90-baptaryna sáıkes, qoınaýyn paıdalanýǵa arnalǵan kelisimsharttary, memlekettik eko­logııalyq saraptamamen keli­silgen ken oryndaryn ıgerý jobalary bar. Sondaı-aq taý-ken úıindileri, taý-ken jumysyn damytý josparlary, basqa da normatıvtik qujattary bar. Ju­mystar kelisilgen josparlarǵa sáıkes júrgizilip jatyr, – deıdi Ekologııa jáne tabıǵı resýrs­tar mınıstrligi ónerkásiptik qal­dyqtar basqarmasynyń sarapshysy Arman Ǵalymjanov.

О́tken jyly oblys kásip­oryndary tabıǵat qorǵaý is-sharalaryn iske asyrý maqsa­tynda 46,9 mlrd teńge ıgergen. Josparlanǵany – 29,1 mlrd teńge, demek naqty túrde bul kórsetkish 157 %-ǵa oryndalǵan.

Salyq, bıýdjetke tólenetin basqa da mindetti tólemder týraly zańnamaǵa sáıkes, kásip­oryndardan qorshaǵan ortaǵa teris áser etkeni úshin tólemaqy aly­nady. Onyń bekitilgen tarıf­teri bar.

Ekologııa jáne tabıǵı re­sýrs­tar mınıstrligi keltir­gen derekterge súıensek, qaldyq­tar­dyń denin taý-ken ónerkási­bin­de «Bogatyr Kómir» JShS, «Maıkúben-Vest» JShS, «KAZ Minerals Bozshakol» JShS, «Angrensor» AQ, «Eýroazıattyq elektr stansasy» AQ shyǵaryp otyr. Jylý energetıkasy salasynda Ekibastuzdaǵy qos GRES, «Qazaqstan alıýmınııi» AQ-nyń jylý-elektr stansasy, «Pav­lo­darenergo» AQ-ǵa qarasty eki JEO qaldyqtardyń negizgi bó­ligin túzedi. Tústi metallýrgııa­da qomaqty kólem «Qazaqstan alıýmınııi» AQ-ǵa tıesili.

– Qorshaǵan ortaǵa teris áser­di azaıtý maqsatynda 2025 jyl­dan bastap 1-sanattaǵy nysandarǵa eń ozyq qoljetimdi tehnologııa­lardy (EQT) engizý qarastyryl­ǵan. Qazirde mınıstrlik 12 EQT anyqtamalyǵyn ázirledi. Bıyl­­dan bastap 1-sanattaǵy nysandar­­dyń keshendi ekologııalyq ruq­saty bolýy mindetti. Ekologııa­lyq ruqsat bolmaǵan jaǵdaıda tólem mólsherlemesiniń koef­fısıentteri Salyq kodeksiniń 43-9-babyna sáıkes 2, 4, 6 ese óse­di. Qaldyqtardy basqarý sala­syn­daǵy memlekettik ekologııa­lyq saıasattyń qaǵıdattary ıerarhııa qaǵıdatyna negizdeledi. Iаǵnı qaldyqtardyń qaıta bolýyn boldyrmaý, olardy qaıta paıdalanýǵa daıyndaý, óńdeý, kádege jaratý, joıý is-sharalary kezeń-kezeńimen júzege asyrylady, – deıdi A.Ǵalymjanov.

Investısııalyq jobalar­dy iske asyrý máselesi jergilikti atqa­rýshy organdardyń quzy­re­­tine jatady. Sonymen qatar jobalyq sheshimderdi, ekolo­gııa­lyq jobalardy qaraý, mem­le­kettik ekologııalyq sarap­tama qorytyndysyn berý ke­zinde eko­logııalyq talaptar­dyń saq­ta­lýyn qamtamasyz etý maq­satynda, Pavlodar oblysy­nyń ekologııa departamenti qaras­tyrady.

Pavlodar oblysy