Gúlshat Smaǵulovanyń «Shatyrdaǵy ekeý» fılmi Reseıde ótken «V krýgý semı» halyqaralyq kınofestıvali aıasynda qazylar alqasynyń arnaıy júldesine ıe boldy.
Fılm Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirilgen. Kartına ulttyq bolmysymen jáne mazmunymen erekshe baǵalandy.
2025 jyly festıval rekordtyq kórsetkishke qol jetkizdi. Oǵan 121 elden 2500-den astam fılmge ótinim tústi. Festıvalda fılmniń túpnusqa mýzyka avtory, kompozıtor Vıktor Sologýb tanystyrdy. Kompozıtor marapatty búkil túsirilim tobynyń atynan qabyldap, tolqynysyn jetkizdi. Sonymen qatar hıkaıanyń erekshe qajettilikteri bar adamdardy tereńirek túsinýge jáne qabyldaýǵa septigin tıgizetinin atap ótti.
«Shatyrdaǵy ekeý» – rejısser Gúlshat Smaǵulovanyń tuńǵysh rejısserlik debıýti. Týyndy taǵdyry qıyndyqqa toly jas jigit Damır men aýtızm dertine shaldyqqan jasóspirim Kostıanyń arasyndaǵy dostyqty baıandaıdy. Shyǵarmashylyq top kartınada ınklıýzııanyń mańyzyn jáne erekshe balalardyń qoǵamǵa beıimdelý máselesin kótergen. Túsirilim bıyl kóktemde Almaty qalasy men Almaty oblysy Talǵar aýdanynda ótti. Fılm qazaq jáne orys tilderinde ótken jyly prokatqa shyqty.
Buǵan deıin týyndy «Grajdane kryshı» Hanty-Mansıısk qalasynda ótken XXIII halyqaralyq kıno-debıýttar festıvalinde «Dýsha Rossıı. Mırovoe kıno» nomınasııasynda jeńiske jetken bolatyn.
Sondaı-aq týyndy Úndistandaǵy «Zolotoı lev» halyqaralyq kınofestıvali aıasynda birden eki marapatqa ıe boldy. Olar – «Úzdik halyqaralyq tolyqmetrajdy fılm» jáne «Debıýttik fılm úshin úzdik rejıssýra» nomınasııalary. Jáne Máskeýde ótken Fashion Film Festival festıvalinde toǵyz júlde jeńip aldy.