Atalǵan óńirde sharýa qojalyqtary qarbyzdyń alǵashqy ónimin jınap jatyr, munda sýarý maýsymy 20 kúnge erte bastalǵan. Buǵan sebep – aýa temperatýrasynyń joǵary bolýy jáne jaýyn-shashynnyń bolmaýy. Osyǵan baılanysty óńirde sýarmaly sýdy ádil bólý maqsatynda egistik alqaptardy kezekpen sýarý uıymdastyrylyp jatyr, dep jazady Egemen.kz.
О́ńir dıqandary sala mınıstrligi men «Qazsýshardyń» jergilikti fılıalyna alǵys bildirdi.
«Sýdy ýaqytyly bergendikten, qarbyzymyzdy der kezinde sýaryp úlgerdik. Qazir Astana, Qaraǵandy, Almaty jáne basqa qalalarǵa ónimimizdi jóneltip jatyrmyz. Sý berý máselesin baqylaýda ustaǵany úshin Sý resýrstary jáne ırrıgasııa mınıstrligine alǵysymyzdy bildiremiz», dedi dıqan Talǵat Toıshybekov.
«Qarbyz ektik, jaqsy ónim aldyq. Sý sharýashylyǵy mamandary men dıqandardyń birlesken jumysynyń arqasynda sý ýaqytynda jetkizilip, nátıjesinde mol ónim aldyq», dep atap ótti Erlan Qoshtaev.
Mınıstrliktiń málimetinshe «Qazsýshardyń» Jambyl fılıaly jergilikti sharýalarmen sý jetkizý boıynsha 3852 kelisimshart jasasqan. Búginde shamamen 61 myń gektar egis alqaby sýarylyp, 512 mln tekshe metrden astam sý berilgen. Bul rette sý tek tıisti kelisimshart bolǵan jaǵdaıda ǵana jetkiziledi.