Premer-mınıstr Oljas Bektenov Ulytaý oblysyna jumys saparymen bardy. Jezqazǵan JEO alańynda Premer-mınıstr aldaǵy 2025-2026 jyldardaǵy jylytý maýsymyn eskere otyryp, stansany jóndeý jónindegi jobanyń júzege asyrylý barysymen tanysty, dep jazady Egemen.kz.
Prezıdenttiń jylý kózderin jańǵyrtý jónindegi tapsyrmalaryn iske asyrý sheńberinde Jezqazǵan JEO 2024 jyly «qyzyl aımaqtan» shyǵarylǵan bolatyn. Onda 2023-2024 jyldary qazandyq pen týrbınalyq sehtardy kúrdeli jóndeý nátıjesinde jabdyqtardyń tozýy tómendetildi. Belgilengen qýaty 252 MVt jáne jylý qýaty 564 Gkal/saǵat bolatyn elektr stansasy qazirgi ýaqytta 175 MVt elektr energııasy men 363 Gkal/saǵat jylý berip tur. О́nerkásip kásiporyndary da, turǵyndar da elektrmen jáne jylýmen qamtylǵan. «Qazaqmys Enerdjıs» JShS bas dırektory Temirlan О́tegenov tehnıkalyq tozýdy azaıtý úshin negizgi jabdyqtarǵa, onyń ishinde eki qazandyq pen eki týrbınaǵa kúrdeli jáne aǵymdaǵy jóndeý júrgizilgenin habarlady. Qazirgi ýaqytta №7 qazandyq pen №7 týrbınada jumystar jalǵasyp jatyr. Jóndeý jumystary, sonyń ishinde, tarıfterdiń kezeń-kezeńimen ósýiniń arqasynda da júrgizilip jatqany atap ótildi.
«Memleket basshysynyń tapsyrmasyn júzege asyrý aıasynda biz Jezqazǵan JEO-da aýqymdy jańǵyrtý jumystaryn júzege asyryp jatyrmyz. «Tarıfti ınvestısııaǵa aıyrbastaý» baǵdarlamasyn júzege asyrý aıasynda da jumystar atqarylýda. Búgingi tańda tarıfter ózin-ózi aqtap otyr, stansamyzdaǵy birde-bir ýchaskede shyǵynǵa batyratyn tarıfter joq, bıyl qyzmetkerlerdiń jalaqysy 10-15%-ǵa ósti. Biz Jezqazǵan ýchaskesinde kadr turaqsyzdyǵyn azaıtý maqsatynda jas otbasylar úshin turǵyn úı salmaqpyz. 2026 jyly 80 páterli turǵyn úı qurylysyn bastaýdy josparlap otyrmyz», dedi Temirlan О́tegenov. Premer-mınıstr turaqty energııamen qamtamasyz etý máselelerinde júıeli jumys júrgizýdiń mańyzdylyǵyna da toqtaldy. Elektr tutyný qajettiligin jabý jáne energııa júıesiniń manevrligin arttyrý úshin JEO aýmaǵynda qýaty 75 MVt bolatyn bý-gaz qondyrǵysynyń qurylysy bastaldy. Joba aıasynda 80 jańa jumys orny ashylady. Jumys sapary barysynda Oljas Bektenov Jezqazǵannyń sharýashylyq jáne aýyz sý tazartý nysandaryn jańǵyrtý barysymen tanysty. Qala ákimi Qaırat Shaıjanov qazirgi ýaqytta ónimdiligi táýligine 66 myń tekshe metr bolatyn keri osmosty membranalyq tehnologııany engizý kózdelgen ekinshi kezeń aıaqtalyp jatqanyn baıandady. Jobanyń jalpy daıyndyǵy 47%-dy quraıdy, qurylys 2026 jyldyń sońynda aıaqtalady dep kútilýde. Ony júzege asyrý Jezqazǵandy turaqty jáne sapaly sýmen qamtamasyz etýge, sondaı-aq tazartý nysandarynyń tozýyn 90%-dan 37%-ǵa deıin tómendetýge múmkindik beredi. Jalpy óńirdi sýmen jabdyqtaý jerústi jáne jerasty sý kózderi – Keńgir sý qoımasy men Úıtas-Aıdos ken orny esebinen júzege asyrylatyny atap ótildi. Tazartý nysanynyń óndiristik qýaty táýligine 124 myń tekshe metrdi quraıdy.
Sondaı-aq Premer-mınıstrdiń nazaryna sorǵy stansııalaryn, Esqula sý qubyry men sý tartý qurylystaryn qaıta jańartýdy qosa alǵanda, barlyq sýmen jabdyqtaýdyń júıesin jańǵyrtýǵa baǵyttalǵan ilespe jobalar usynyldy. Ákimdiktiń aqparaty boıynsha, sharýashylyq jáne aýyz sý nysandaryn jańǵyrtý jobasy kesteden 125 kún keshikken jáne jumysshylar sanynyń jetpeýine baılanysty jóndeý qarqyny tómen ekenin atap ótildi. Máselen, buǵan deıin jarııa etilgen 300-den astam adamnyń orynyna 30-ǵa jýyq adam jumys istep jatyr. Premer-mınıstr shuǵyl túrde merdigerge qatysty shara qabyldaýdy jáne jobany kórsetilgen sapalyq kórsetkishterine saı etip merziminde aıaqtaýdy tapsyrdy.
«Senimdi jylý jáne elektrmen jabdyqtaý, sapaly aýyz sý – Prezıdenttiń tirshilikti qamtamasyz etý jáne óńirlerdi ornyqty damytý máselelerin sheshýde qoıǵan negizgi mindetteri. Barlyq ınfraqurylymdyq jobalar belgilengen merzimde aıaqtalýy tıis. Bul úshin jaýapkershilik ár kezeńde tıisti qadaǵalaýdy qamtamasyz etýge mindetti ákimdikterge de, salalyq memlekettik organdarǵa da júkteledi», dedi Oljas Bektenov. Jumys saparynyń qorytyndysynda Premer-mınıstr barlyq ınfraqurylymdyq jobalardy ýaqtyly aıaqtaý, sondaı-aq rekonstrýksııalaýdyń jańa kezeńderin qarjylandyrý máselesin pysyqtaý jóninde birqatar tapsyrma berdi.