2025 jylǵy 12 shildede Almaty qalasy Jastar saıasaty basqarmasynyń qoldaýymen «Human Resources Kazakhstan» jeke mekemesi Jetisý aýdanynyń demalys ortalyqtarynda tárbıelenip júrgen balalar úshin Kólsaı kóline tanymdyq ekskýrsııa uıymdastyrdy, dep habarlaıdy Egemen.kz.
Is-sharaǵa 50 bala men olardyń jetekshileri qatysty. Saıahat barysynda balalar tabıǵat aıasynda serýendep, Kólsaı óńiriniń kórkem kórinisterimen, taý men orman arasyndaǵy erekshe ekojúıemen tanysty. Sonymen qatar, uıymdastyrýshylar tarapynan balalarǵa túski as pen jeńil taǵamdar usynylyp, qaýipsiz ári qyzyqty demalys uıymdastyryldy.
Atalǵan ekskýrsııa balalardyń tabıǵatqa degen qyzyǵýshylyǵyn arttyryp, salaýatty ómir saltyn qalyptastyrýǵa baǵyttalǵan. Qatysýshylar sapardan jarqyn ásermen oralyp, jańa bilim men jaǵymdy emosııaǵa bólendi.