Prezıdent Jarlyǵymen Qazaqstan Respýblıkasynyń temirjol salasyn jáne kólik ınfraqurylymyn damytýǵa qosqan aıryqsha úlesi úshin Qazaqstan temir joly ulttyq kompanııasynyń ardageri Qaltaı Sámbetovke joǵary dárejeli erekshelik belgisi – «Qazaqstannyń Eńbek Eri» ataǵy berilip, aıryqsha erekshelik belgisi – Altyn juldyz ben «Otan» ordeni tapsyryldy, dep jazady Egemen.kz Aqordanyń baspasóz qyzmetine silteme jasap.
Qaltaı Sámbetov - temirjol salasyna 60 jyldan astam ýaqyt arnaǵan ańyz adam. Eńbek jolyn 18 jasynda Aıagóz sıgnalızasııa jáne baılanys dıstansııasynyń monteri bolyp bastaǵan. Injenerden QTJ-nyń birinshi vıse-prezıdentine deıingi eńbek jolyn eńsergen. Uzaq jyldar boıy «QTJ» UK» AQ qozǵalys qaýipsizdigi baǵytyn basqarǵan.