Ulttyq qaýipsizdik komıtetiniń Sybaılas jemqorlyqqa qarsy qyzmeti kólik vıse-mınıstri Sátjan Áblalıevtiń ustalǵanyn rastady, dep habarlaıdy Egemen.kz.
«Ulttyq qaýipsizdik komıtetiniń sybaılas jemqorlyqqa qarsy qyzmeti kólik vıse-mınıstrin para aldy degen kúdikpen ustady jáne sot sanksııasymen qamaýǵa aldy», delingen habarlamada.
Qylmystyq is júrgizý kodeksiniń 201-babyna sáıkes ózge málimetter jarııa etilmeıdi.
Eske sala keteıik, Sátjan Áblalıevtiń ustalǵany týraly aqparat 2 tamyzda paıda boldy.Ol kezde onyń para aldy degen kúdikke ilingeni habarlanǵan bolatyn.
Sátjan Áblalıev 1970 jyly Atyraý oblysynda dúnıege kelgen. Almaty avtomobıl-jol ınstıtýtyn jáne Qazaq temir jol jáne kommýnıkasııa ýnıversıtetin bitirgen.
Áblalıev 2023 jyldyń qazan aıynan beri kólik vıse-mınıstri qyzmetin atqarǵan. Oǵan deıin Soltústik Qazaqstan oblysy ákiminiń orynbasary qyzmetin atqaryp, Avtomobıl joldary komıtetinde jumys istegen.