Qostanaı oblysy aýmaǵynda 15 sáýirden bastap órt qaýipsizdigi aılyǵy aıasynda aýqymdy reıdter ótedi. Atalǵan is-shara órt qaýipsizdigine jaýapty qyzmetterdiń alda kele jatqan jylý maýsymyna ázirligin qamtamasyz etýdi, sondaı-aq órttiń aldyn alýdy kózdeıdi, dep habarlaıdy Egemen.kz.
«Osyǵan oraı, 15 tamyz kúni saǵat 15:00-de «Aq-Shańyraq» jaǵajaıynyń janyndaǵy avtoturaqta reıdtik is-shara ótedi. Reıd barysynda TJD mamandary áleýmettik osal toptarǵa jatatyn azamattardyń úı-jaıyn aralap, olarǵa qaýipsizdik sharalary boıynsha kómek kórsetiledi. Atap aıtqanda, bizdiń qyzmetkerler jeke úılerdiń murjasyn tekserip, ony úı ıesi tazalaı almaıtyn jaǵdaıda bolsa, kómek beredi. Sonymen qatar, úı ishinde ýly gaz bólingende belgi beretin qurylǵylardyń bar-joǵyn tekseredi», deıdi óńirdegi Tótenshe jaǵdaı departamentiniń resmı ókili Aıdana Manatqyzy.
Bútin óńirdi qamtıtyn órt qaýipsizdigi aılyǵyna TJD qyzmetkerleri, polısııa jáne jergilikti atqarýshy organdar, eriktiler, áleýmettik qyzmetkerler, azamattyq qorǵaý organdarynyń ózge de qyzmetkerleri qatysady.
Qostanaı oblysy