«Qarasora-2025» jedel-profılaktıkalyq is-sharasy barysynda polısııa qyzmetkerleri men Ulttyq ulannyń «Búrkit» arnaıy jasaǵy Syrdarııa aýdany Besaryq aýylynyń mańynan iri esirtki alqabyn taýyp, joıdy, dep habarlaıdy Egemen.kz.
Is-shara kezinde salmaǵy 58 kıloǵa jýyq 1156 túp esirtki tárkilenip, oqıǵa ornynan jalpy salmaǵy 1 kılo 610 gramm keptirilgen marıhýana tabylypty. Osyǵan baılanysty 42 jáne 33 jastaǵy oblys turǵyndary ustalyp, qamaýǵa alynǵan. Qazir sotqa deıingi tergep-tekserý áreketteri júrgizilip jatyr.
«Qarasora-2025» jedel-profılaktıkalyq is-sharasy bastalǵaly beri 172 esirtki quqyq buzýshylyǵy anyqtalyp, 959 kılo esirtki tárkilendi. Bes fıtozerthana anyqtalǵan. Oblys aýmaǵynda esirtki ósirýmen aınalysqan 36 adam ustalypty.