Shetelderdegi qandastarymyz da tileýles

Astanadaǵy Ulttyq akademııalyq kitaphanada 14 aqpan kúni ótken Qazaqstan halqy Assambleıasynyń otyrysynda merziminen buryn prezıdenttik saılaýǵa qatysty kóterilgen bastamaǵa oraı, Dúnıejúzi qazaqtary qaýymdastyǵy ókilderi bas qosty. Qazaqstan halqy Assamb­leıa­synyń Keńesi jasaǵan usy­nys­tyń utymdy tustary sóz bolǵan sharada Dúnıejúzi qazaqtary qaýymdastyǵy Tóraǵasynyń birinshi orynbasary Talǵat Mamashev Dúnıe­júzi qazaqtary qaýymdastyǵy­nyń málimdemesin oqydy. «О́z­de­ri­ńizge belgili, Qazaqstan halqy Assambleıasynyń Keńesi ústimizdegi jylǵy 14 aqpanda kezekten tys prezıdenttik saılaýdy 2015 jyly ótkizý týraly bastama kóterdi. Tosyn usynysqa el ishindegi qazaqstandyqtar ǵana emes, alys-jaqyn shetelderde turatyn 5 mıllıonnan astam qazaq dıasporasynyń ókilderi de eleńdeı qulaq túrýde. Sondyqtan, osyndaı sheshýshi tusta Dúnıejúzi qazaqtary qaýymdastyǵy da beıtarap qala almaıdy. Qaýymdastyq óz ustanymyn bildirip, kezekten tys prezıdenttik saılaýdyń ótýin qoldaıdy», delingen málimdemede. Sondaı-aq, bul bastamanyń Qazaqstan halqy Assambleıasy Keńesi tarapynan der ýaqytyn­da kóterilgen usynys dep sa­naı­tyny aıtylǵan. О́ıtkeni, álem­degi ekonomıkalyq daǵdarys to­lyǵymen eńserilmeı jatyp, onyń kelesi tolqyny boı kó­te­rip otyr. Qazaqstan jahan­dyq­­ ekonomıkanyń quramdas bir bó­ligi bolǵandyqtan, qar­jy­lyq-ekonomıkalyq tyǵy­ryq­tyń qyspaǵyn sezinbeı qalýy múm­kin emes. Sonyń aldyn alý maq­satynda Elbasy «Nurly Jol – bolashaqqa bastar jol» stra­tegııalyq Joldaýyn jarııa etti. Búginde osy qujattyń aıasynda naqty qadamdar jasalýda. Alaıda, geosaıası shıelenister, sonyń saldarynan quldyraǵan ekonomıka jalpy damýǵa keder­gi keltirýde. Bul jaıttar qo­ǵamdy alańdatatyny ras. Osyndaı jaǵdaıda eldi kúttirmeı, prezıdenttik saılaýdy kezekten tys ótkizgen durys dep oılaımyz, delingen málimdemede. Sonda, dep jalǵady sózin T.Ma­mashev málimdemeni oqı oty­ryp, halyq ta, Úkimet te daǵda­rysqa qar­sy ahýalǵa qam jasaýǵa alańsyz kiri­ser edi. Máseleni áriden túsingen tutas halyq, eldiń ıgi jaqsylary, dúnıejúzi qazaqtary – Qazaqstan halqy Assambleıasy Keńesiniń kezekten tys saılaý ótkizý bastama­syn qoldap, ún qatady. Bul – «Máń­gilik El» ıdeıasy jolyndaǵy basty qadamdardyń biri dep sanaımyz. Shet­elderdegi qazaq dıasporasy tarı­hı Otan­daryndaǵy osyndaı uly iske súısine tileýlestikterin bil­di­rýde. Bir jaǵadan bas, bir jeń­nen qol shyǵaratyn kezeń keldi. Qazaq­stan jurty osy úlken bas­ta­many jumylǵan judyryqtaı, bir demmen qoldap keterine senim bildiremiz. Berik SADYR, «Egemen Qazaqstan».