Aqynnyń asyl beınesi

HH ǵasyrdyń basyndaǵy jastar­dyń sýretke túsýge qushtarlyǵy kóp bol­ǵan sııaqty. Mysaly, Sáken Seıfýl­lınniń fotolary óte kóp. Al Ombynyń muǵalimder semınarııa­synda birge oqyǵan Maǵjannyń sýreti múlde az. Top­pen otyrǵan jal­ǵyz ǵana fotosy bar. Alaıda ony sýret­shilerimiz neshe alýan tús­ter­men kórkemdep, áshekeılep, áı­teýir kóbeıtýge ty­rysyp júr. Al Maǵjan­nyń Máskeý­degi V.Brıýsov atyndaǵy ádebıet ınstıtýtynda túsken birde-bir sýreti kózge túspedi. Muńǵa tunǵan tuńǵıyq kózderi Alashtyń halin oılap, ýaıym jep turǵandaı sýretke jas kezinde janyndaǵy birneshe adammen birge túsken. Taǵy bir sýreti – sheber sýretshilerimizdiń bir fotosýretinen kóshirip, barynsha ásemdep, sulý qylyp shyǵarǵan nusqasy.

Bul sýret – Ábámúslim degen aǵasy­nyń balasy Qabdóshtiń úıinen tabyl­ǵan túpnusqa foto. Ony py­syq kelin­deriniń biri tórde ilýli tur­ǵan eski fotoramanyń shańyn súrt­pek bolyp jat­qanda aıaq astynan tapqan. Bul naǵyz Maǵjan aqtalyp, jer de, kók te onyń esimin aıtyp, eske alyp jatqan kez edi. Jas kelin tapqanyn júgirip kelip enesine kórsetkende, atasyn kórgen keıýana joqtaý aıtyp, úıdiń ishin azan-qazan qylǵan. Osy sýret qazir aqynnyń týǵan jeri M.Jumabaev aýdanyndaǵy Sartomar aýylyndaǵy mýzeıde tur.

Al taǵy bir fotony «Maǵjan orta­ly­ǵy» ashylǵanda Respýblıka­lyq «Qa­har­mandar» qorynyń tóraǵasy, qýǵyn-súrgin qurbandaryn tolyq aqtaý jónindegi memlekettik komıs­sııanyń jumysyn qamtamasyz etý jobalyq keńsesiniń basshysy Sabyr Qasymov syıǵa tartqan. Bul sýret aqynnyń tragedııalyq sıpatyn dál beredi. Kózinen nur tamǵan dóńgelek júzdi aqyn basynan keshken qasirettiń kesirinen eki jaǵy sýalyp, at jaqty bolyp ketken. Maǵjannyń osy beınesi uzaq jyl boıy NKVD-nyń arhıv qorlarynyń arasynda jatqan eken. Ony memlekettik komıssııa qyzmetkerleri tapqan. Fotoǵa retýsh jasalǵany kórinip tur, áıtpese ol kezde túrli-tústi foto áli bizge jetken joq edi. Onyń ústine aqynnyń shashy da qap-qara kúıinde kórsetilipti. Ústinde túrmeniń robasy... Ortalyq ashylǵandaǵy erek oqıǵa da osy edi.

Soltústik Qazaqstan oblysy