AQSh prezıdenti Donald Tramp Chıkagony álemdegi eń qaýipti qala dep málimdedi. Bul týraly ol Truth Social jelisindegi paraqshasynda jazdy, dep habarlaıdy Egemen.kz.
«Chıkago – eń qorqynyshty jáne eń qaýipti qala. Illınoıs shtatynyń gýbernatory Djeı Prıtskerge shuǵyl kómek qajet, biraq ol ázirge muny bilmeıdi», dep atap ótti Tramp.
Prezıdenttiń aıtýynsha, sońǵy demalys kúnderi Chıkagoda keminde 54 adam oq jaraqatyn alyp, 8 adam qaza tapqan. Ol jaǵdaıdyń jedel aralasýdy talap etetinin aıtyp, qalany qaýipsiz etemin dep ýáde berdi.
«Men qylmys máselesin tez sheshemin. Vashıngtonda qalaı istesem, Chıkago da solaı qaıtadan qaýipsiz bolady», dedi Tramp.
Aıta keteıik, 12 tamyzda Pentagon AQSh Ulttyq gvardııasynyń 800 áskerı qyzmetkerin Vashıngtonǵa jiberdi. 21 tamyzda Tramp gvardııa sarbazdarymen birge el astanasynyń kóshelerine shyǵyp, qylmyspen kúres jumystaryn baqylaǵan. Prezıdent polısııa men áskerı qyzmetkerlerdiń eńbegin joǵary baǵalap, olardyń arqasynda eldegi quqyqbuzýshylyq deńgeıi aıtarlyqtaı tómendegenin aıtty.
Onyń dereginshe, ulttyq gvardııa engizilgennen keıin Vashıngtonda bir apta ishinde birde-bir kisi óltirý faktisi tirkelmegen, al qylmys deńgeıi 87%-ǵa tómendegen.