ASTANA. 18 aqpan. Keshe túnde Parıj ben Lvovta Chempıondar lıgasy 1/8 fınalynyń alǵashqy eki oıyny oınaldy. Bul týraly «Chempıonat.Rý» habarlady.
Parıjde jergilikti «Parı Sen-Jermen» men Londonnyń «Chelsı» komandalary kezdesti. Alań ústi tartysqa toly boldy. Biraq shaıqastyń sharyqtaýy báribir byltyrǵy jylǵy deńgeıine jetken joq. Onda komandalar teń sanaldy. Al bul jolǵy kezdesýge «Chelsı» favorıt retinde keldi. Byltyr ol endi ǵana jańa quramyn qalyptastyra bastaǵan jasaq bolsa, bıyl kemeline kelgen komandanyń keıpinde edi. Olar sondyqtan oıyn tizginin de tez qolǵa aldy. Osy basymdyq 36-mınýtta golǵa aınaldy. Ony Branıslav Ivanovıch saldy. Parıjdikter 54-mınýtta Edınson Kavanıdiń kúsh salýymen esepti teńestirdi. Alań ústindegi tartys sodan keıin de tolas tappaǵanymen, qarsylastar budan artyqqa bara almady. Esep – 1:1.
Al Lvovtaǵy kezdesýdi tipti esep te ashylǵan joq. Matchtyń basynsha «Shahter» qarsy alań jaqqa jıi sholǵyn jasap tursa, taım ortasyna qaraı dop kóbine-kóp «Bavarııa» fýtbolshylarynyń yrqyna kóshti. Biraq san sapaǵa kóshe qoımady. Buǵan kerisinshe nemister tipti 65-mınýtta Habı Alonsonyń ekinshi márte eskertý alýyna baılanysty alańnan qýyldy. Bul «kenshilerge» zor múmkindik alyp berdi. Alaıda, olar da bul jaǵdaıdy ózderiniń paıdalaryna sheshe almady. Sóıtip, match 0:0 esebimen aıaqtaldy.
Búgin túnde taǵy 2 oıyn oınlady. Olar «Shalke-04» (Germanııa) – «Real» Madrıd (Ispanııa), «Bazel» (Shveısarııa) – «Portý» (Portýgalııa) komandalary arasynda ótedi. Odan keıingi tórttik 24-25 aqpan kúnderi kúsh synasady.
Al joǵarydaǵy eki jup arasyndaǵy qarymta oıyndar 11 naýryz kúni oınalady.
Damır Qojamqul.
Derek, foto: Chempıonat.Rý.