ASTANA. 18 aqpan. Búgin fýtboldan Qazaqstan men Moldova qurama komandalary joldastyq kezdesý ótkizedi. Bul týraly vesti.kz habarlady.
Kezdesý túriktiń Antalıa qalasyndaǵy «Mardan» stadıonynda oınalady. Match Astana ýaqytymen 22:00 saǵatta bastalady. Atalmysh oıyn «Habar» telearnasy arqyly tikeleı efırden kórsetiledi.
Eske sala keteıik, 2013 jylǵy aqpan aıynda da bul eki qurama bir-biirmen kezdesken. Sol jolǵy joldastyq kezdesýde Qazaqstan quramasy Moldovany 3:1 etip utyp edi. Qazaqstandyqtar sapynan Baýyrjan Jolshıev eki gol salsa, Vıktor Dmıtrıenko bir goldy enshisine jazǵan. Moldovandar jaǵynan Anatolıı dorosh kózge tústi.
Biraq bul joly mamandardyń birazy basymdyq bizdiń qarsylastarymyzda bolatynyn aıtyp otyr. Býkmekerlik keńselerde de solarǵa qaraı bás tigýshiler kópteý kórinedi.
Damır Qojamqul.