ASTANA. 18 aqpan. Qostanaı oblysy Rýdnyı qalasynyń turǵyny Gennadıı Zýev aspanda qatar turǵan úsh Kúndi fotoapparatqa túsirip alyp, «Odnoklasnıkı» áleýmettik jelisine ornalastyrǵan. Bul týraly alau.kz saıty habarlady.
Fotoáýesqoı túsirgen sýretteriniń astyna bul kóriniske qashan tap bolǵan ýaqytyn jazyp qoıypty. Onda bul merzimniń 5 aqpan ekeni kórsetilgen.
Astronomdar kók júzinde bir mezgilde úsh Kúnniń kóriný qubylysyn «Galo áseri» dep ataıdy. Mundaı jaǵdaı ashyq aıazdy kúni kezigedi eken. «Sondaı kezderde aýada muzdan jasalǵan, jaı adamnyń kózine kórinbeıtin alty qyrly shaǵyn krıstaldar paıda bolady. Kúnniń sáýlesi solardy tesip ótedi. Nátıjesinde galo optıkalyq áseri jasalady», - dep jazady basylym.
http://youtu.be/4F88hB37NVo
Aıtqandaı, osynyń aldynda tap osyndaı kóriniske rýdnyılyqtardaǵy Reseıdegi kórshileri - Chelıabi oblysynyń turǵyndary da kýá bolypty. Sol kýálardyń biri atalǵan kórinis beınelengen vıdeony Youtube hostıngine Shuriksandr degen nıkpen salypty.
Chelıabi jeriniń basqa turǵyndary áleýmettik jelilerge «úsh kún» sýretterin de ornalastyrypty.
Murat Aıtqoja.