ASTANA. 18 aqpan. Egıpet Reseıden keletin týrıster tasqynynyń tolastamaýyna qatty múddeli. Sondyqtan mundaǵy magazınderdiń kópshiligi reseılikterge ózderiniń rýblimen esep aıyrysý múmkindigi berilip otyr. Bul týraly «Gazeta.Ru» habarlady.
Egıpettiń týrızm mınıstri Mýhammed Salem munyń Reseıden keletin týrısterdiń bul jerde ózderin óte qolaıly seziný úshin jasalyp jatqanyn aıtty. Ol sonymen birge, Egıpet bıliginiń Reseı týrısteriniń vıza úshin tólenetin tólemnen bosatylý merzimin sozý týraly másele qarastyryp jatqanyn da habardar etti. Munda Reseı saıahatshylary qańtardan sáýirge deıin $25 kóleminde tólem tóleýden bosatylǵan. Alaıda, «baj kanıkýly» ýaqyty endi búkil jaz kezeńin qamtýy ábden múmkin. Sol sııaqty Egıpet kýrorttary úshin satylatyn bılettiń sanyn 20 paıyzǵa kóbeıtý josparlanyp otyr.
«Egıpet bıligi mundaı qadamǵa eki eldiń arasyndaǵy esep aıyrysýdy rýblmen júrgizý jóninde resmı deńgeıde kelisim jasalǵannan keıin baryp otyr», - dedi salem. Atap ótkendeı, Reseı men Egıpet qazir reseılik kompanııalardyń, sonyń ishinde, týrıstik uıymdardyń Egıpettegi meımanhanalarda rýblmen esep aıyrysýlary, al Egıpet jaǵynyń óz kezeginde reseılik taýarlardy rýblmen satyp alýlary jaıynda jumys jasap jatyr.
Murat Aıtqoja.