PAVLODAR. 18 aqpan. Pavlodardaǵy Estaı kóshesi, 101/2 jáne Gerıng kóshesi, 76/2 kópqabatty eki turǵyn úı paıdalanýǵa berildi. Bul týraly egemen.kz habarlady.
Jańa páterlerdiń kilti «Turǵyn úı qurylys jınaq» banki arqyly jas otbasylarǵa arnalǵan páter alý júıesi tártibi boıynsha berildi.
Jalpy, 144 otbasy jańa páterge ıe boldy. Jastardy qonys toıymen quttyqtaǵan oblys ákimi Qanat Bozymbaev bıyl Dımıtrov, Tolstoı, Gagarın–Vorýshın kósheleri boıyndaǵy jáne Alıýmınıstroı shaǵyn aýdanyndaǵy jańa turǵyn úıler qurylysyn aıaqtaý josparlanyp otyrǵanyn jetkizdi. Sonymen birge, oblys ortalyǵynda aldaǵy jyldary «Saryarqa» jáne «Dostyq» shaǵyn aýdandary boı kótermekshi.
Farıda Byqaı.
Derek: egemen.kz.
Sýret: Valerıı Býgaev.