Qarmaqshy aýdany prokýratýrasy jetim jáne ata-anasynyń qamqorlyǵynsyz qalǵan balalardy turǵyn úımen qamtýǵa taldaý júrgizdi. Qoldanystaǵy zańnamaǵa sáıkes bul sanattaǵy balalar birinshi kezekte turǵyn úı ala alady, dep jazady Egemen.kz.
Sondaı-aq memlekettik turǵyn úı qorynan beriletin úılerdiń jalpy sanynyń keminde 20 paıyzy osy sanattaǵy balalarǵa berilýi tıis. Prokýratýra jergilikti atqarýshy organnyń balalardyń memlekettik turǵyn úı qorynan turǵyn úı alý múmkindigin buzǵanyn anyqtaǵan.
Prokýrorlyq qadaǵalaý aktisinen keıin ǵana olardyń quqyqtary qalpyna keltirilip, zańsyz turǵyn úı kezeginen shyǵyp qalǵan azamatsha qaıta kezekke qoıyldy jáne kezektegi 3 jetim bala kópten kútken baspanalaryna qol jetkizdi.