Memleket basshysy Nursultan Nazarbaev Reseı Federasııasy Qaýipsizdik Keńesiniń hatshysy Nıkolaı Patrýshevti qabyldady, dep habarlady Qazaqstan Prezıdentiniń baspasóz qyzmeti.
Kezdesý barysynda qaýipsizdik salasyndaǵy ekijaqty yntymaqtastyqtyń ahýaly men keleshegi, halyqaralyq kún tártibindegi máseleler, sonyń ishinde Ýkraınanyń ońtústik-shyǵysyndaǵy jaǵdaı da talqylandy.
Taraptar Eýrazııalyq ekonomıkalyq odaq aıasyndaǵy ekonomıkalyq yntymaqtastyqtyń jekelegen máselelerin qozǵady. Sondaı-aq, Taıaý Shyǵys pen Aýǵanstandaǵy ahýalǵa baılanysty jańa syn-qaterlerdi talqylady.
N.Patrýshev elimizge Qazaqstan men Reseıdiń Qaýipsizdik Keńesteri apparattarynyń arasyndaǵy josparly konsýltasııalarǵa qatysý úshin keldi.