Aýyl sharýashylyǵy mınıstrliginde «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Qazaqstan halqyna Joldaýynda berilgen Prezıdent tapsyrmalaryn iske asyrý máseleleri boıynsha keńes ótti, dep jazady Egemen.kz.
Keńeske vıse-mınıstrler, qurylymdyq bólimshelerdiń, komıtetterdiń jáne vedomstvoǵa qarasty uıymdardyń basshylary qatysty.
«Memleket basshysy AО́K-ti sapaly jańa deńgeıge shyǵarýdy tapsyrdy. Bul júıeli tásildi, zamanaýı tehnologııalar men sıfrlyq sheshimderdi, jasandy ıntellektini engizýdi qajet etedi. Biz salanyń tıimdiligin, ashyqtyǵyn jáne úılesimdiligin barlyq deńgeıde qamtamasyz etýimiz kerek. Basymdyqtardyń qatarynda – mal sharýashylyǵyn damytý, aýyl sharýashylyǵy ónimderin qaıta óńdeýdi keńeıtý jáne zamanaýı agrohabtar qurý bar», – dedi mınıstr Aıdarbek Saparov.
Vıse-mınıstr Amanǵalı Berdalın mal sharýashylyǵy salasynda agrobıznesti qoldaýdyń keshendi josparyn tanystyrdy.Qujatta aınalym qarajatyn 5% mólsherlememen jeńildetilgen nesıeleý, IQM men UM asyl tuqymdy mal satyp alýǵa uzaq merzimdi qaryz berý, «Damý» qory arqyly nesıelerdi 80%-ǵa deıin kepildendirý jáne sala qyzmetkerlerine áleýmettik qoldaýdy kúsheıtý sharalary qarastyrylǵan.
Eksporttyq áleýet pen veterınarııalyq qaýipsizdikti arttyrý úshin veterınarııalyq nysandar salýǵa jáne zerthanalyq jabdyq satyp alýǵa qarjy bólindi. Qytaı, Reseı, Túrkııaǵa eksport shekteýleri alynyp tastaldy. Bıyl Iran men Grýzııa naryqtary ashyldy, EO-ǵa bal eksporttaýǵa ruqsat berildi. Sondaı-aq akvasharýashylyǵy jáne jylqy eti ónimderin EO-ǵa shyǵarý máselesi qaralýda, Japonııa, Malaızııa, Vetnam, Sıngapýr, Pákistan jáne basqa eldermen kelissózder júrgizilýde. О́nimniń tolyq qadaǵalanýyn qamtamasyz etetin, Memlekettik kirister komıtetiniń júıelerimen ıntegrasııalanǵan biryńǵaı veterınarııalyq sıfrlyq platforma ázirlenýde.
Vıse-mınıstr Ermek Kenjehanuly AО́K-ke ınvestısııalar tartý sharalary jóninde baıandady.
2025 jyldyń jeti aıynda salaǵa 710,6 mlrd teńge ınvestısııa quıylyp, jalpy somasy 1 trln teńgege 5 kelisim jasaldy, 115,5 mlrd teńgege 81 joba júzege asyryldy.
2027 jylǵa deıin jalpy quny 3,4 trln teńgege baǵalanǵan 711 jobadan turatyn Jol kartasy daıyndaldy.
Iri jobalardyń qatarynda: jylyna 155 myń tonna qyzanaq óndiretin jylyjaı kesheni («Alsera», $650 mln), jylyna 5 mln tonna qant qyzylshasyn óńdep, 500 myń tonna qant óndiretin zaýyt («QazaqArab Sugar», $580 mln), qýattylyǵy 1 mln tonna júgerini tereń óńdeıtin ónerkásiptik park («Fufeng Group», $350 mln), sondaı-aq 240 myń tonna bıdaı men 80 myń tonna burshaqty qaıta óńdeıtin keshen («Tiryaki Holding», $320 mln).
2025–2027 jyldarǵa arnalǵan «AО́K-ke ınvestısııalarǵa tapsyrys» jobasy ázirlenýde. Ol 1,2 trln teńge kóleminde uzaq merzimdi jeńildetilgen qarjylandyrýdy kózdeıdi.
Vıse-mınıstr Erbol Tasjúrekov agrarlyq eksport josparyn tanystyrdy. Josparda eksporttyq logıstıkany damytý, ımporttaýshy elderdiń talaptaryna sáıkestikti qamtamasyz etý, qazaqstandyq ónimderdi shetel naryqtaryna ilgeriletý jáne marketıngtik strategııalardy iske asyrý kózdelgen. Eksport geografııasy keńeıip, Marokko, Aljır, Vetnam elderine shyǵarý josparlanýda. Eksporttaýshylarǵa Saýda jáne ıntegrasııa mınıstrligi arqyly qoldaý kórsetiledi.
Agrarlyq ǵylymdy damytýǵa da erekshe nazar aýdarylýda.
Jer resýrstaryn basqarý komıtetiniń tóraǵasy Murat Temirjanov jasandy ıntellekt pen ǵaryshtyq monıtorıng negizinde biryńǵaı sıfrlyq jer kartasyn jasaý barysy týraly baıandady.
2022 jyldan beri 13,7 mln ga jer memleket menshigine qaıtaryldy, onyń 6,2 mln ga jergilikti atqarýshy organdarmen qaıta bólindi. Jer kodeksine konkýrstardy elektrondyq formatqa kóshirý týraly túzetýler ázirlendi.2025 jyldyń sońyna deıin aýyl sharýashylyǵy maqsatyndaǵy 190 mln ga jerdi, 74 mln ga topyraqtyq jáne 71 mln ga geobotanıkalyq zertteýdi tolyq sıfrlandyrý josparlanǵan. Jańa zamanaýı jer kadastry aqparattyq júıesi iske qosylady.
«Árqaısymyz Prezıdent tapsyrmalaryn oryndaýda jeke ári kásibı jaýapkershilik arqalaımyz. Eshbir baǵyt baqylaýsyz jáne júıeli pysyqtaýsyz qalmaýy tıis», – dep túıindedi mınıstr.