Jambyl oblysynda fýtbol matchynan keıin joǵarǵy synyp oqýshylary bir balany soqqyǵa jyqqan. Ol alǵan jaraqattarynan kóz jumdy, dep habarlaıdy Egemen.kz.
12 qyrkúıekte Shý aýdanyna qarasty Kókqaınar aýylynda qaıǵyly oqıǵa boldy. Fýtbol oınap júrgen 10-synyp pen 11-synyp oqýshylary arasynda janjal týyndaǵan: kishi synyp oqýshylary jeńiske jetip, bul jaǵdaı úlkenderdiń biriniń ashýyna tıgen.
Saldarynan 11-synyp oqýshylarynyń biri 10-synyp oqýshysyn uryp-soqqan. Oqıǵa ornyna kelgen dárigerler jasóspirimniń alǵan jaraqattarynan qaza tapqanyn rastady. Qalǵan qatysýshylarmen profılaktıkalyq áńgimeler júrgizildi.
Oqıǵany tergeý úshin Bala quqyqtary jónindegi ýákildiń qatysýymen arnaıy komıssııa quryldy. Jedel-izdestirý sharalary barysynda polısııa 17 jáne 16 jastaǵy eki jasóspirimdi ustap, ýaqytsha ustaý ızolıatoryna qamady.
– Qazirgi ýaqytta isti tolyq, obektıvti jáne jan-jaqty tergeýge baǵyttalǵan barlyq qajetti jedel-tergeý is-shara júrgizilip jatyr. QR QPK-niń 201-babyna sáıkes, tergeý múddesine baılanysty basqa málimetter jarııa etilmeıdi, – dep habarlady Jambyl oblysy polısııa departamentiniń baspasóz qyzmeti.