Bıyl kúzde Pavlodar oblysynan ásker qataryna 600-den asa azamatty shaqyrý kózdelgen. Qabyldaý komıssııasy qazirgi kúni irikteý jumysyn bastap ketti.
Mamandar áskerge shaqyrtý azamattarǵa qaǵaz júzinde, sondaı-aq uıaly telefonǵa habarlama retinde jiberiletinin aıtady. Shaqyrylýshynyń telefon nómiri eGov-qa tirkelgeni mańyzdy emes, bastysy ol uıaly baılanys operatorlary arqyly engizilip qoıǵan. SMS-habarlama alǵan jaǵdaıda jas jigit turǵylyqty jeri boıynsha qorǵanys isteri bólimine kelýge mindetti. О́ıtpegen jaǵdaıda 5 aılyq eseptik kórsetkish mólsherinde aıyppul salynady.Atap óterligi, áskerge shaqyrylýshylardyń atynda nesıe bolsa, tólemderdi 13 aıǵa keıinge shegerý múmkindigi beriledi. Budan basqa, áskerde qyzmet etkender demobılızasııadan keıin eki jyl ishinde test tapsyrmastan aqyly negizde joǵary oqý oryndaryna túse alady. Bul úshin olarǵa suhbattasýdan ótý jetkilikti. Al jaýyngerlik daıarlyqta joǵary nátıje kórsetken áskerı qyzmetshiler grant esebinen tegin joǵary bilim alý múmkindigine ıe.
Pavlodar oblysy