Abaı atyndaǵy oblystyq ámbebap kitaphanasy dırektorynyń orynbasary Gúlmıra Aıazbaeva Qazaqstan kitaphanalary Odaǵynyń sheshimimen «Jyl kitaphanashysy – 2025» nomınasııasyna ıe boldy, dep jazady Egemen.kz.
Marapat Shymkent qalasynda ótken «Qazaqstan kitaphanalary: kitap oqý mádenıeti, jasandy ıntellekt jáne sıfrlandyrý» taqyrybynda ótken kóshpeli otyrys aıasynda saltanatty túrde tabystaldy. Jıynda Gúlmıra Muratqyzy «Jergilikti qalamgerler shyǵarmashylyǵy – kitaphanalar qoryn tolyqtyrý kózi retinde» taqyrybynda baıandama jasap, Abaı kitaphanasynyń is-tájirıbesin bólisti. Oblysqa qarasty kitaphanalardyń kitap qorlaryn tolyqtyrý jumysy týraly baıandady.
– Abaı atyndaǵy oblystyq ámbebap kitaphanasynda búginde 400 myńǵa jýyq kitap qory bar. Onyń ishinde 5 myńnan asa kitapty sırek basylymdar qory quraıdy. Kitaptardyń 1 500-ge jýyq danasy sıfrlandyrylyp, paıdalanýshylarǵa usynylǵan. 20 myńǵa tarta turaqty oqyrman jyl saıyn kitaphananyń qyzmetin paıdalanady. Búginde kitaphana qyzmetkerleri «Abaı joly» kitaphanasy, «Alash» syndy iri jobalardy júzege asyryp, ulttyq muramyzdy nasıhattaýǵa eleýli úles qosyp otyr, – deıdi jyl kitaphanashysy.
Taǵy bir aıta keter jaıt, Abaı kitaphanasy bıyl mamyr aıynda «Rýhanı qazyna – 2025» festıvali aıasynda «Úzdik oblystyq mańyzy bar kitaphana» nomınasııasyn jeńip alyp, 1 mln teńge kólemindegi júldege ıe bolǵan edi.
Abaı oblysy