Soltústik Qazaqstannyń elektr qýatyn taratýshy jekemenshik «SKREK» kompanııasy túrli syltaýmen 2026 jyldan bastap 1 kvt saǵat elektr qýatynyń tarıfin birden 70 paıyzǵa kótermek. Bul - búgingi 9,09 teńge birden 15,34 teńgege ósedi degen sóz, dep jazady Egemen.kz.
Kásiporynnyń tolyp jatqan sebepteriniń qatarynda materıaldyq shyǵyndardyń artýy, jabdyqtardyń eskirýi, olardy satyp alatyn valıýtanyń qymbattaýy jáne t.b. bar. Bular týraly qoǵamdyq talqylaýda kásiporynnyń bas dırektory Aleksandr Chekýlaev jarııalady. Árıne, onyń aıtqan sebepteriniń jany bar, biraq birden aspandata kóterý barlyq salanyń ónimderi men qyzmetteriniń qymbattaýyna, eń bastysy halyqtyń turmysynyń aýyrlaýyna soǵatynyn bastyq eskermeıtin sııaqty. Nemese «túıe sura, bıe berer» degen naqyldy eskerip turǵan bolýy kerek. Aldaǵy ýaqytta bul máseleni ókiletti organdar zerttep, ózderiniń sheshimin aıtady.
Halyqtyń súıenetini monopolııaǵa qarsy komıtet qoı, olar úmitti aıaq asty etpes dep oılaımyz.
Soltústik Qazaqstan oblysy