Qazaqstan áıelder tennıs quramasynyń ókili Anna Danılına Qytaıdyń Nınbo qalasynda ótip jatqan WTA 500 serııasyndaǵy týrnırdiń 1/8 fınalynda jeńiske jetti, dep jazady Egemen.kz.
Otandasymyz juptyq saıysta da tamasha óner kórsetip júr. Shırek fınalǵa joldama alý úshin Anna Danılına serbııalyq Aleksandra Krýnıchpen birge germanııalyq Laýra Zıgemýnd pen amerıkalyq Sofııa Kenın jubyna qarsy oınap, 6:2, 7:5 esebimen basym tústi.
Aıta ketsek, Danılına men Krýnıch 1/4 fınalda amerıkalyq Nıkol Melıchar-Martınes pen reseılik Lıýdmıla Samsonovamen kezdesip, fınalǵa joldama úshin baq synaıdy.