11-synyp oqýshylary Dinmuhamed Mataı men Ámir Jánibek temirjol ınfraqurylymynyń qaýipsizdigi men tıimdiligin arttyrýǵa baǵyttalǵan «Temirjol relsterin qosýdyń ınnovasııalyq tehnologııalary» atty jobalaryn tanystyrdy. «QTJ» kompanııasynyń habarlaýynsha, jas ónertapqyshtar relsterdi biriktirýdiń tórt birdeı jańa ádisin usynyp, olardyń barlyǵy Qazaqstan Respýblıkasynda patenttelip, Jenevadaǵy halyqaralyq tirkeýge joldanǵan, dep jazady Egemen.kz.
Joba Nıý-Iorktegi halyqaralyq olımpıadada da usynylyp, sarapshylar tarapynan joǵary baǵaǵa ıe boldy. Innovasııalyq sheshimder relsterdiń tozýyn azaıtyp, shý deńgeıin tómendetýge jáne apattyń aldyn alýǵa múmkindik beredi. Sonymen qatar, bul ádister temirjol salasyndaǵy paıdalaný shyǵyndaryn edáýir únemdeýge jol ashady.
Kompanııa basshylyǵy jas ınjenerlerdiń jobasyn joǵary baǵalap, ony jetildirýge qoldaý kórsetýge daıyn ekendigin jetkizdi. Qol jetkizilgen ýaǵdalastyqtar aıasynda QTJ tarapynan qajetti materıaldar usynylyp, oqýshylardyń Býrabaı kýrortyndaǵy rels dánekerleý kásipornyna sapary uıymdastyrylmaq.
Kezdesý barysynda jastar QTJ ortalyq murajaıyna baryp, elimizdiń temirjol salasynyń damý tarıhymen tanysty.