Áleýmettik nysandar salý jáne rekonstrýksııalaý jónindegi Prezıdent tapsyrmasyn júzege asyrý aıasynda Batys Qazaqstan oblysynda 27 jobany iske qosýǵa Arnaýly memlekettik qordan 17,7 mlrd teńge bólindi, dep habarlaıdy Egemen.kz.
Negizgi mindet – halyqty sapaly aýyz sýmen 100% qamtamasyz etý jáne aýyldaǵy densaýlyq saqtaý júıesin jańǵyrtý. Arnaýly memlekettik qordan barlyǵy 27 jobany júzege asyrýǵa 17,7 mlrd teńge bólingen.
«Júzege asyrylyp jatqan jobalardyń ishinde 11 sýmen qamtý jobasy bar, olardyń iske qosylýy aýyldyq eldi mekenderdi sapaly aýyz sýmen qamtýdy keńeıtip, halyqtyń ómir súrý sapasyn jaqsartýǵa múmkindik beredi», delingen habarlamada.
Sondaı-aq 16 joba aýyldyq jerlerde alǵashqy medısınalyq-sanıtarııalyq kómekti damytýǵa baǵyttalǵan. Olardyń qatarynda Syrym, Aqjaıyq, Bórli, Jańaqala jáne Báıterek aýdandarynda feldsherlik-akýsherlik pýnktter, dárigerlik ambýlatorııalar men medısınalyq pýnktter qurylysy bar. Jańa densaýlyq saqtaý nysandarynyń ashylýy aýyl turǵyndaryn bilikti medısınalyq kómekpen qamtamasyz etip, aýdandyq aýrýhanalardaǵy júktemeni azaıtady.
Aıta keteıik, qazirgi ýaqytta Batys Qazaqstan oblysynda 15 joba tolyq aıaqtalǵan. Jyl sońyna deıin taǵy 10 nysan paıdalanýǵa beriledi, al qalǵan ekeýin 2026 jyly aıaqtaý josparlanyp otyr.