Prezıdenttiń tapsyrmasyna sáıkes, «Adal azamat» birtutas tárbıe baǵdarlamasy bıylǵy oqý jyly bastalǵaly memlekettik mekteptermen qosa 700-den astam jekemenshik mektepke, ıaǵnı barlyq bilim berý uıymdaryna engizilip otyr, dep jazady Egemen.kz.
Atalǵan joba jas býynǵa jalpyadamzattyq qundylyqtardy sińire otyryp, bilimdi, eńbekqor, básekege qabiletti, adal azamat qalyptastyrýǵa baǵyttalǵany málim.
Oqý-aǵartý mınıstrliginiń málimetinshe, otandyq bilim berý uıymdarynda tárbıeniń birtutas ekojúıesin qalyptastyrý maqsatynda mınıstrliktiń uıymdastyrýymen pedagogter úshin semınar-trenıgter uıymdastyrylyp jatyr. «Adal azamat» bastamasy boıynsha 23 myńnan astam pedagog kásibı daıyndyqtan ótti. Bul is-shara mektepterdi ádistemelik qoldaý, jobanyń mánin túsindirý jáne óńirlerde tájirıbe almasýdy qamtamasyz etýge baǵyttalǵan.
Sonymen qatar, pedagogter praktıkalyq keıs-sessııalar men trenıngter arqyly naqty is-qımyl algorıtmderin jasap, jumys josparlaryn ázirledi. Bul tájirıbe ustazdardyń teorııamen ǵana shektelmeı, naqty qadamdar arqyly tárbıe jumysyn tıimdi uıymdastyrýdy meńgerýine baǵyttaldy.