Oqý-aǵartý mınıstrligi balalar men jasóspirimderdi qaýipsizdik máselelerine beıjaı qaramaýǵa shaqyrdy, dep habarlaıdy Egemen.kz.
Vedomstvonyń habarlaýynsha, sońǵy ýaqytta oqýshylar arasynda mektep aýmaǵyna jarylǵysh zat qoıyldy degen jalǵan aqparat taratý faktileri tirkelip jatyr.
Mınıstrlik mundaı áreketterdiń saldary aýyr bolatynyn eskertedi. Eger bireý kezdeısoq nemese ádeıi terakt týraly jalǵan habar taratsa, ol ákimshilik nemese qylmystyq jaýapkershilikke tartylýy múmkin. Bul úshin aıyppul salý, qoǵamdyq jumystarǵa tartý nemese odan da qatań jazalar qoldanylýy yqtımal.
- Qaýipsizdik – oıyn emes. Árdaıym oılanyp áreket etińizder! – dep atap ótti mınıstrlik.
Sonymen qatar eger oqýshy zań boıynsha jaýapkershilik jasyna tolmaǵan bolsa, onyń is-áreketiniń saldary men jaýapkershiligi ata-anasyna júkteledi.