Astanada qala turǵyndary Botanıkalyq baqtaǵy sý aıdynynda muzdyń óte juqa bolýyna qaramastan, onyń ústinde serýendep, tipti sýretke túsken. TJM bul árekettiń asa qaýipti ekenin eskertip otyr, dep habarlaıdy Egemen.kz.
Áleýmettik jelilerde juqa muzdyń ústinde júrgen turǵyndardyń beınejazbasy tarady. Keıbiri muz betinde sýretke túsip qana qoımaı, balalaryn qolarbamen syrǵanatqan.
Qalalyq tótenshe jaǵdaılar qyzmetiniń málimetinshe, qazir Esil ózeni men Botanıkalyq baqtaǵy sýqoımada muzdyń qalyńdyǵy nebári 2 santımetrge jetedi. Keı bólikterinde múlde qatpaǵan. Mamandardyń aıtýynsha, mundaı qalyńdyq adam salmaǵyn kóterýge múlde jetkiliksiz. Qaýipsiz júrý úshin muz keminde 10 santımetr bolýy qajet.
«Muzdyń qalyńdyǵyna kóz jetkizbeı oǵan shyqpańyz, bul ómirińizge qaýip tóndiredi. Balalardy eshqashan baqylaýsyz muz ústine jibermeńiz. Qatpaǵan muzdyń ústine shyqqany úshin Ákimshilik quqyq buzýshylyq týraly kodekstiń 412 baby boıynsha shara qoldanylatynyn habarlaımyz! О́zińizge jáne jaqyndaryńyzǵa qamqor bolyńyzdar!», delingen TJM eskertýinde.