Qyzylordada kásipker Iýn Olegke qatysty sot úkimi shyqty, dep jazady Egemen.kz.
Ol memleket bıýdjetine tólenýi tıis salyqtar men ózge de mindetti tólemderdi tóleýden jaltaryp, deklarasııalarǵa kirister men shyǵystary týraly kórineý burmalanǵan derekterdi eńgizip, memleketke 326 368 823 teńge kóleminde zalal keltirgen.
Apellıasııalyq sot úkimimen Iýn Olegti Qylmystyq kodekstiń 245-babynyń 3-bóligimen kináli dep tanyp, oǵan 4 jylǵa bas bostandyǵyn aıyrý jazasy taǵaıyndalyp, memleketke keltirilgen zalaldy óndirý mindetteldi.
Sonymen qatar azamattyq talapty qamtamasyz etý maqsatynda quny 22 440 000 teńge turatyn «LEXUS LX 570» avtokóligi jáne jalpy quny 49 266 874 teńge bolatyn 13 birlik arnaıy tehnıkaǵa tyıym salý sharalary saqtalǵan.