27 qarasha kúni Astana ýaqytymen saǵat 14:27-de «Baıqońyr» ǵarysh aılaǵynan ushqyshtar basqarǵan «Soıýz MS-28» zymyran-tasyǵyshy ushyrylǵan. Atalǵan zymyran-tasyǵyshtyń bir bóligi Ulytaý oblysynyń elsiz aýmaǵynan tabyldy, dep jazady Egemen.kz.
Qazir oqıǵa ornynda «Roskosmos» memlekettik korporasııasynyń ókilderi men Qazaqstan-Reseı ekologtary birlese jumys istep jatyr. Mamandar tıisti esep-qısapty júrgizip, synama alǵan. Aldyn ala jasalǵan qorytyndyǵa saı qorshaǵan ortaǵa baılanysty ekologııalyq zalal anyqtalmaǵan. Sondaı-aq turǵyndarǵa eshqandaı qaýip tónip turmaǵany belgili boldy.
Al Ulytaýda tabylǵan bólik zymyran-tasyǵyshtyń metall konstrýksııasy ekeni anyqtaldy.
«Roskosmos» memlekettik korporasııasy zymyran-tasyǵyshtyń quramdas bóligin qalpyna keltirý úshin qajetti materıaldyq bólshekter jetkilikti ekenin jáne jaqyn arada qalpyna keltirý jumystary bastalatynyn habarlady.