Nıý-Iork bıligi jyldamdyq rejımin saqtamaıtyn júrgizýshilerge Stop Super Speeders Act dep atalatyn zańnama daıyndap jatyr. Qujatta kólikke GPS arqyly joldaǵy ruqsat etilgen jyldamdyqty anyqtaıtyn jáne ony baǵdarlama kómegimen saǵatyna 5 mılden (8 km/saǵ) asyrmaıtyn arnaıy qurylǵy ornatý týraly jazylǵan, dep habarlaıdy Egemen.kz.
Bul shara 24 aıda keminde 11 aıyppul alǵan nemese bir jyl ishinde jyldamdyqty asyryp, baǵdarshamnyń qyzyl túsin elemeı, beınebaqylaýǵa 16 ret túskenderge qoldanylady.
Kólik ıesi qurylǵyny óz qarajatyna ornatady, ol shamamen 520 myń teńge turady.
Zań shyǵarýshy organ shtat gýbernatory bul qujatty maquldasa, polısııa 3000-4000 turǵynnyń jyldamdyǵyn shekteıtinin aıtty.
Bul Amerıkadaǵy sheneýnikterdiń alǵashqy bastamasy emes. Byltyr dál osyndaı shara Vashıngtonda, Kolýmbııa okrýginde talqyǵa túsken. Olar usynǵan jaza budan qatań. Tártip saqshylary birinshi ret ereje buzǵan turǵynnyń kóligine shekteýish ornatpaq bolǵan.