Qyzylordada jeke sektordaǵy turǵyn úı qasbetteriniń kemshilikterin retke keltirip, sanıtarlyq-norma talaptaryn baqylaıtyn jumysshy top turaqty reıd júrgizip keledi, dep jazady Egemen.kz.
Kezekti reıdte Y. Jaqaev kóshesi, № 83 úıdiń aldynda qurylys materıaldarynyń kóshe bette jatqandyǵy anyqtaldy. Al T.Esetov kóshesi boıyndaǵy turǵyn úı qaqpasyna ilingen tozyǵy jetken bılbord dereý alynyp tastaldy.
T.Áýbákirov kóshesiniń boıynda zań buzýshylyqqa jol bergen birneshe turǵyn úı de nazardan tys qalmady. Qurylys materıaldaryn beı-bereket tastap, jaıaý júrginshiler jolyn bógegen, qoqysy shashylyp, úıiniń tóńiregin qamys basqan turǵyndar da eskertý aldy. Beti ashyq qalǵan káriz qudyǵynyń balalar ómirine qaýip tóndirgen jaǵdaılary da belgili boldy.
Jumysshy top tıisti talaptardy óreskel buzǵan úı ıelerine eskertý jasap, kemshilikterdi shuǵyl túzeýdi tapsyrdy. Qalanyń tazalyǵyna úles qosyp kele jatqan reıd jumysy kúndelikti júrgiziledi.