27–29 qarasha kúnderi Abaı oblysy Abaı aýdanyna qarasty Jıdebaı qoryǵynda «Abaı salburyny – 2025» respýblıkalyq qusbegiler týrnıri ótti. Bıylǵy dúbirli dodaǵa elimizdiń 12 óńirinen 70-ke jýyq búrkit, 14 ıtelgi, 15 qarshyǵa jáne 20-dan astam tazy qatysty, dep jazady Egemen.kz.
Abaı Qunanbaıulynyń 180 jyldyq mereıtoıyna oraılastyrylǵan saıysta astanalyq qusbegiler joǵary nátıje kórsetti.
Elordanyń namysyn Aıan Dosymanov, Serikbek Kúntýǵan, Dıas Kúntýǵan jáne Erasyl Serikbekuly qorǵady.
Erasyl Serikbekuly Búrkit saıysynda – I oryn, Qarshyǵa saıysynda – II oryndy qanjyǵasyna baılady.
Týrnırde ıtelgi jáne qarshyǵa baptaý boıynsha qusbegiler saıysymen qatar, qazaqy tazy júgirtý, ulttyq sport túrlerinen jarystar men basqa da etno baǵdarlamalar uıymdastyryldy.
Qusbegilik federasııasynyń qoldaýymen ótken saıys jeńimpazdaryn marapattaýǵa Abaı oblysynyń ákimi, Qusbegilik federasııasynyń prezıdenti Berik Ýálı arnaıy qatysyp, ulttyq ónerdi dáripteýge úles qosqan qusbegilerge alǵys bildirdi.