Granttyq qarjylandyrý aıasynda Qazaq sý sharýashylyǵy ǵylymı-zertteý ınstıtýty ırrıgasııa men melıorasııa salalarynda tórt jobany júzege asyryp jatyr. Sý resýrstary jáne ırrıgasııa mınıstri Nurjan Nurjigitov ǵylymı uıymnyń jyl basynan beri atqarǵan jumysy týraly esebin tyńdady, dep jazady Egemen.kz.
Iske asyrylyp jatqan jobalar degradasııalanǵan sýarmaly jerlerdiń jaǵdaıyn jaqsartý tehnologııasyn ázirleýdi, Jambyl oblysyndaǵy Shý ózeniniń tómengi aǵysyn sýmen qamtamasyz etýdiń ǵylymı-ádistemelik negizderin jasaýdy, shaǵyn sý ótkizý kólemi bar sýarý kanaldaryna qoldanýǵa bolatyn gıdrotehnıkalyq avtomattandyrylǵan qaqpanyń modelin ázirleýdi, sondaı-aq drenaj sýyn qaıta paıdalaný arqyly sýarmaly jerlerdiń sýmen qamtylýyn arttyrýdy qamtıdy.
Búginde «Sý shyǵyny az sýarý kanaldarynda qoldanýǵa arnalǵan gıdrotehnıkalyq avtomattandyrylǵan qaqpanyń modelin ázirleý» jobasy boıynsha modeldiń syzbasy, paıdalanýshy ınterfeısi jáne derekter bazasy daıyndalǵan.
«Jambyl oblysyndaǵy Shý ózeniniń tómengi aǵysyn sýmen qamtamasyz etýdiń ǵylymı-ádistemelik negizderi» jobasy aıasynda sý sharýashylyǵy is-sharalarynyń jospary ázirlengen.
Drenaj sýyn sýarý maqsatynda qaıta paıdalaný jobasy aıasynda aýyl sharýashylyǵy daqyldaryn drenaj sýymen sýarýǵa arnalǵan tehnologııa daıyndalyp, oǵan patent alynǵan. Bul ádis aýyl sharýashylyǵy óndirýshilerine tájirıbe júzinde kórsetilgen.
«Qazaqstannyń sý sharýashylyǵy salasyn damytý úshin ǵylym óte mańyzdy. Bizdiń mınıstrlik júzege asyratyn árbir jobanyń ǵylymı negizdemesi bolýy tıis. Sondyqtan Qazaq sý sharýashylyǵy ǵylymı-zertteý ınstıtýtyna úmit artamyz. Búginde mınıstrlik ınstıtýtty qarjylandyrý máselesin tolyq sheshti. Endi sý resýrstaryn tıimdi paıdalanýǵa múmkindik beretin naqty nátıjeler qajet. Instıtýt mınıstrliktiń barlyq bastamasyna belsendi qatysyp, ár jobany jan-jaqty ǵylymı turǵydan taldaýy kerek», dedi Sý resýrstary jáne ırrıgasııa mınıstri Nurjan Nurjigitov.