Kenııanyń Naırobı qalasynda taekvondodan álem chempıonaty máresine jetti. 21 jasqa deıingi jastar arasyndaǵy jahandyq dodada el qorjynyna ekinshi medaldy Tamerlan Tileýles saldy. 63 kg salmaq dárejesinde saıysqan ol jartylaı fınalda súrinip, qola medaldy qanaǵat tutty. Buǵan deıin Beıbarys Qabylan 87 kg salmaqta álem chempıony atanǵan bolatyn. Beıbarys – taekvondodan álem chempıony atanǵan tuńǵysh sportshy. Jahan dodasyna 75 elden 500-ge tarta sportshy qatysty.
Dúnıejúzilik boks keńesi (WBC) ótýge tıis birneshe aıqasty bekitti. Orta salmaqtyń kóshbasshysy, otandasymyz Meıirim Nursultanov (20–0, 11 KO) chempıondyq belbeýge ıe Karlos Adameske (24–1–1, 18 KO) qarsy aıqasqa túsýi múmkin. Meıirim eki jyldan beri jekpe-jek ótkizgen joq. Sońǵy ret 2023 jyldyń kúzinde Tashkentte chılılik Hýlıo Alamesti jeńdi. Karlos Adames bıyl aqpanda brıtandyq Hamza Shırazben teń túsken bolatyn.
Otandasymyz Angelına Lýkas (16-1, 9 KO) ekinshi jeńil salmaqta (52,2 kg) WBF chempıondyq belbeýin oljalady. Ol álemdik boks federasııasynyń (WBF) belbeýi úshin Dýbaıda ótken tartysta tanzanııalyq Egıne Kaıangeni (12-8, 8 KO) 4-raýndta nokaýtpen jeńdi.