Osy jyldyń jazynda Qostanaı qalasynyń turǵyny konsýltatıvtik-dıagnostıkalyq jáne dermatokosmetologııalyq qyzmet úshin salonǵa 1,2 mln teńge tólegen. Alaıda ýáde etilgen nátıjeni kórmegendikten kelisimdi buzyp, salonnan aqshany qaıtarýdy talap etken. Salon tutynýshynyń talabyn eskerýsiz qaldyrǵannan keıin, qostanaılyq turǵyn Tutynýshylar quqyǵyn qorǵaý jáne saýda departamentine júgingen, dep jazady Egemen.kz.
Departament tekserý barysynda salonnyń ótinishke jaýap bermegenin anyqtap, ákimshilik jaýapkershilikke tartty. Sonymen qatar kelisimshartqa tutynýshylardyń quqyǵyn shekteıtin sharttardy, onyń ishinde aqshany qaıtarmaý týraly erejeni alyp tastaý jóninde nusqama berildi. Al tutynýshyǵa sotqa júginý usynylǵan.
Sot barysynda salonnyń dermatokosmetologııalyq prosedýralardy lısenzııasyz jasaǵany anyqtaldy. Sebebi bul jumys medısınalyq qyzmetter qatarynda bolǵan. Sot salondy tutynýshyǵa barlyq tólengen somany qaıtarýǵa mindettedi.
«Bul jaǵdaı kásipkerdiń zań talaptaryn oryndaýy mindetti ekenin, al tutynýshy sapaly ári qaýipsiz qyzmet alý quqyǵyna ıe ekenin taǵy bir ret kórsetti. Departament óńir turǵyndarynyń quqyqtaryn turaqty qorǵap, baqylaýdy kúsheıtedi», dedi Kostanaı oblysy boıynsha saýda jáne tutynýshylar quqyǵyn qorǵaý departamenti basshysynyń mindetin atqarýshy K. Akıjanov.
Bıyl departamentke 717 – jazbasha, Telegram-botqa – 106, «jyldam jelige» telefon arqyly – 269 ótinish túsken. Taǵy 360 azamat jeke qabyldaýda mamandardan keńes alǵan. Tutynýshylarǵa departamenttiń aralasýymen jalpy kólemi 62,7 mln teńgeden astam qarajat qaıtarylǵan.Sondaı-aq memlekettik baqylaý aıasynda 73 tekserý júrgizilgen. Jospardan tys tekserýler nátıjesinde 16 kásipkerge eskertý berilip, 44 kásipkerge jalpy somasy 1 397 000 teńge aıyppul salynǵan.