«Human Rights Lawyers» qoǵamdyq qory «Azamattar men uıymdardyń quqyqtaryn, zańdy múddelerin qorǵaý» jobasyn iske asyrýda. Joba Mádenıet jáne aqparat mınıstrligi men Azamattyq bastamalardy qoldaý ortalyǵynyń qoldaýymen júzege asyrylyp jatyr, dep habarlaıdy Egemen.kz.
Atalǵan joba aıasynda halyqtyń quqyqtyq saýattylyǵyn arttyrý jáne tegin zańgerlik kómekke qoljetimdilikti arttyrý boıynsha jumystar júrgizilýde. Atap aıtqanda, Qazaqstannyń 5 óńirinde – Almaty qalasynda, Almaty, Jambyl, Jetisý jáne Abaı oblystarynda turǵyndardyń quqyqtyq saýattylyq deńgeıin baǵalaý maqsatynda saýalnama júrgizildi. Zertteý qorytyndysy boıynsha kórsetkish 4 paıyzǵa artqany tirkeldi.
Sonymen qatar, baryp keńes berý jumystary uıymdastyryldy. Nátıjesinde 1 000-nan astam azamat jeke qoldaýǵa ıe bolyp, joba mamandary quqyqtyq jáne áleýmettik máseleler boıynsha 2 200-den astam keńes berdi.
Bilim berý baǵytyna da erekshe kóńil bólindi. Jobany iske asyrý kezeńinde 3 000 turǵyn úshin semınarlar, trenıngter jáne dárister uıymdastyryldy.