Túrkııanyń quqyq qorǵaý organdary aýqymdy operasııa júrgizip, «Islam memleketi» terrorıstik uıymyna (Qazaqstanda tyıym salynǵan uıym) qatysy bar degen kúdikpen 115 adamdy ustady. Kúdiktiler jańa jyl jáne Rojdestvo merekeleri kezinde terakt jasaýdy josparlaǵan, dep jazady Egemen.kz.
Túrkııa Bas prokýratýrasynyń málimetinshe, olar aldymen musylman emes adamdar ortasynda lańkestik áreketterin júzege asyrýdy kózdegen.
Eldegi aýqymdy operasııa 124 mekenjaı boıynsha júrgizilip, tintý kezinde qarý-jaraq pen oq-dáriler tárkilengen.
RKS NEWS málimetinshe, qolǵa túsken 115 adamnan bólek birneshe azamatqa izdeý jarııalanǵan.Qazir iske qatysty tergeý amaldary bastalǵan. Osylaısha, Túrkııanyń quqyq qorǵaý organdary aýqymdy terakttyń aldyn alǵan.
Buǵan deıin Túrkııada Lıvııa ushaǵy apatqa ushyraǵanyn habarlaǵanbyz.
Sondaı-aq álemdik BAQ betinde Túrkııalyq depýtattar bıýdjetti talqylaý kezinde tóbelesip qalǵany taspalanǵan beınejazba tarady.