Májilis depýtaty Oljas Nuraldınov Premer-Mınıstrdiń orynbasary – Ulttyq ekonomıka mınıstri Serik Jumanǵarınge jalpy ishki ónimdegi orta bıznestiń úlesin arttyrý qarqyny týraly saýal joldady, dep habarlaıdy Egemen.kz.
Májilis depýtaty Oljas Nuraldınovtyń aıtýynsha, sońǵy 10 jylda kásipkerlerdi qoldaýǵa trıllıondaǵan teńge bólingenine qaramastan, orta bıznestiń ishki jalpy ónimge (IJО́) qosqan úlesi áli de tómen deńgeıde qalyp otyr.
Depýtattyń málimetinshe, qazirgi tańda orta bıznestiń IJО́-degi úlesi nebári 5-7 paıyzdy quraıdy. Al Qazaqstannyń 2029 jylǵa deıingi Ulttyq damý josparyna sáıkes, bul kórsetkish 15 paıyzǵa jetýi tıis.
«Qazirgi dınamıkamen bul maqsatqa qol jetkize alamyz ba? Memlekettik qoldaý kórsetý kezinde jáne memlekettik statıstıkany qalyptastyrý barysynda bıznes sýbektilerine ártúrli ólshemder qoldanylady. Biri orta bıznes dep sanalsa, ekinshisinde ol shaǵyn nemese iri bıznes retinde kórsetilýi múmkin. Mundaı jaǵdaıda naqty qandaı krıterıılerge súıenýimiz kerek?» dep suraq qoıdy O.Nuraldınov.
Premer-Mınıstrdiń orynbasary – Ulttyq ekonomıka mınıstri Serik Jumanǵarın orta bıznestiń IJО́-degi úlesi shamamen 7 paıyz ekenin jáne bul kórsetkish birneshe jyldan beri ózgermeı turǵanyn aıtty.
Mınıstrdiń sózinshe, elimizde orta bıznes sýbektileriniń sany shamamen 3 myńǵa jýyq. Memleket tarapynan otandyq óndirýshilerge qoldaý kórsetilip otyr, alaıda bıznesti usaqtandyrý úrdisi olardyń sandyq ósimine kedergi keltiredi.
«Jańa Salyq kodeksi osy máselelerdiń sheshimin beredi jáne bıznestiń usaqtanýyn tejeýge yqpal etedi. Qazirgi tańda ózin-ózi jumyspen qamtyǵan kásipkerlerge jáne jeńildetilgen salyq rejımindegi bızneske arnalǵan arnaıy rejımder bar. Degenmen, orta bıznes deńgeıine ótkennen keıin salyqtyq júkteme artady, ony kásipker tóleýi tıis», dedi Serik Jumanǵarın.
Sonymen qatar mınıstr bıznesti qoldaýǵa baǵyttalǵan «О́rleý» baǵdarlamasy bar ekenin, sondaı-aq eki kepildik qory qurylǵanyn atap ótti. Onyń biri shaǵyn jáne orta bızneske, ekinshisi orta jáne iri bızneske arnalǵan. Bul sharalar 2029 jylǵa deıin orta bıznestiń damýyna serpin beredi dep kútiledi.
Al statıstıka máselesine qatysty mınıstr bul baǵytta saqtyq qajet ekenin aıtty.
«Statıstıka bólek, bıznesti qoldaý men salyq saıasaty bólek júrgiziledi. Eger qazir jikteýge túbegeıli ózgeris engizsek, iri bıznes orta bızneske aınalyp ketýi múmkin. Bul orta bıznestiń sanyn arttyrǵanymen, respýblıkalyq bıýdjet kiristerine keri áser etedi. Sondyqtan bul másele baqylaýda, biraq ony bir jylda sheshý múmkin emes. Tipti, ony tolyq aıaqtaý qajet pe degen suraqtyń ózi ózekti», dedi mınıstr.