Dýbaı bıyl qolma-qol aqshadan bas tartyp, qolma-qol aqshasyz tólemderge ótip jatyr, dep habarlaıdy Egemen.kz.
– Dýbaıdaǵy memlekettik jáne jeke sektorlardaǵy barlyq tólemniń 90%-y 2026 jyldyń sońyna qaraı qolma-qol aqshasyz bolady, – dep habarlady Dýbaı úkimetiniń baspasóz qyzmeti.
Qolma-qol aqshasyz tólemderge kóshý strategııasy alǵash ret 2024 jyly jarııalandy.
Ol banknottar men monetalardy alyp tastaýǵa jáne Dýbaıdy qolma-qol aqshasyz qalaǵa aınaldyrýdyń aýqymdy maqsatyn júzege asyrýǵa baǵyttalǵan.
Bul maqsatty júzege asyrý quraldaryna bank jáne basqa da qosymshalar, kartalar jáne bolashaqta – sıfrlyq tólem salasynda JI negizindegi ınnovasııalar kiredi. Ámirlik bıligi Dýbaıdyń qarjylyq ınnovasııalardyń jahandyq ortalyǵy jáne sıfrlyq ekonomıkadaǵy jahandyq kóshbasshy retindegi ornyn nyǵaıtýdy josparlap otyr.