Úkimet otyrysynda Premer-mınıstr Oljas Bektenov Prezıdent Qasym-Jomart Toqaevtyń Ulttyq quryltaıda bergen tapsyrmalaryn, onyń ishinde jańa Salyq kodeksin jetildirý jónindegi tapsyrmalaryn júzege asyrýdyń túıindi sharttaryn atap ótti, dep jazady Egemen.kz.
Prezıdent Ulttyq quryltaıdaǵy sózinde Jańa Salyq kodeksi ózgermeıtin qaǵıdalardyń jıyntyǵy retinde qabyldanbaýy kerek ekenin aıtty. Osyǵan baılanysty Úkimet Salyq kodeksi boıynsha jurtshylyq pen bıznes tarapynan túsetin usynystardy jınaqtap, muqııat taldaý júrgizedi.
«Serik Maqashuly, jurtshylyq pen bıznes tarapynan kelip túsken usynystardy jınaqtap, muqııat taldaýdy tapsyramyn. «Atameken» ulttyq palatasynyń ókilderin, ekonomıster men sarapshylardy tarta otyryp, júıeli ári úılesimdi jumys isteý kerek. Búgin Úkimette osyndaı alǵashqy kezdesý ótkizesiz. О́ńirlerdi de osy jumysqa belsendi tartý qajet. Qoǵamnyń kóterip otyrǵan máselelerin jedel qaraý kerek. Nátıjesi boıynsha naqty usynystar engizińiz», dedi Oljas Bektenov.
Jeke derekterdi taratqandar qylmystyq jaýapkershilikke tartylýy múmkin
Aıta keteıik, Prezıdent ekonomıka men bıznes jańa salyq rejımine kóship jatqanyn jáne Úkimet pen jergilikti atqarýshy organdardyń aldyna bul kezeńdi qalypty ótkizý mindetin qoıdy.
Sondaı-aq búgin Úkimet otyrysynda Prezıdenttiń Ulttyq quryltaıda aıtqan tapsyrmalaryn oryndaý tártibi qaraldy.