Búgin Májilistiń jalpy otyrysynda depýtat Muqash Eskendirov turǵyn úı salasyndaǵy birneshe kúrmeýli máseleni kóterip, ıpotekalyq turǵyn úı qaryzdaryn berý sharttaryn jeńildetýdi usyndy, dep jazady Egemen.kz.
Ol Jambyl oblysyna barǵan jumys sapary barysynda turǵyndardyń salaǵa qatysty týyndap otyrǵan máselelerin ortaǵa saldy. Depýtattyń aıtýynsha, Jambyl oblysy boıynsha, kommýnaldyq turǵyn úı qorynan páter alý kezegine 57 434 azamat tirkelgen. Alaıda satyp alynǵan páterlerdi osal toptaǵy azamattarǵa úlestirý úshin qoldanystaǵy zańnamaǵa engizilgen tolyqtyrýlar men ózgerister kedergi bolyp otyr.
Qazaqstannyń ıpotekalyq naryǵy: Reforma aldyndaǵy úzilis
«Buryn jergilikti atqarýshy organdarda bolǵan fýnksııalar «Turǵyn úı qurylysy jınaq» bankine berildi jáne baspanaǵa muqtaj azamattardy esepke qoıý elektrondyq bazasy arqyly avtomatty túrde júzege asyrylyp jatyr. Osy sebepterge baılanysty kommýnaldyq turǵyn úı qorynan bólinetin turǵynjaıdy kelisý týraly ótinishke der kezinde jaýap bermeýine jáne kezekte tirkelgen azamattardyń derekteriniń túzetilip jańartylmaýyna baılanysty baspanamen qamtamasyz etý jumystary sozylyp ketti. Búgingi kúni kommýnaldyq turǵyn úı qorynan páter alý kezegine turǵan 57 434 azamattyń nebári 10 paıyzynyń derekteri túzetýler engizilip jańartylǵan», dedi Muqash Eskendirov.
Sondaı-aq turǵyn úı qurylysy jınaq aqshasy júıesi arqyly jeńildetilgen ıpotekalyq turǵyn úılerdi satý isinde de túıtkilder bar. Onyń aıtýynsha, ıpotekalyq turǵyn úı qaryzdaryn berý baspana qorynyń jalpy kóleminiń keminde 70% áleýmettik osal toptaǵy azamattarǵa, 20% jetim balalar men ata-anasynyń qamqorlyǵynsyz qalǵan balalarǵa jáne qalǵan 10% úlesi kezektegi basqa azamattarǵa satylady. Búginde ıpotekalyq turǵyn úılerdiń keminde 70%-y áleýmettik osal toptaǵy azamattarǵa usynylýy páterlerdiń der kezinde tabystalýyna kedergi bolyp otyr.
Endi jeńildetilgen ıpotekany jekemenshik bankter de usyna alady
«Mysaly, Taraz qalasy boıynsha 2025 jyly 706 páter satylymǵa shyǵarylsa, azamattardyń tólem qabiletiniń rastalmaýyna baılanysty nebári 588 páter ǵana berildi. Al, bıyl Taraz qalasy boıynsha 1 278 páterden turatyn 29 kópqabatty úılerdiń qurylysy aıaqtalyp satylymǵa shyǵarylǵaly otyr. Zańnamaǵa sáıkes atalǵan úılerdiń 70%-y nemese 895 páter áleýmettik osal toptaǵy azamattarǵa usynylsa byltyrǵy jaǵdaı taǵy da qaıtalanýy ábden múmkin. Búgingi kúni, baspana alý kezegine turǵan azamattardyń 31 055-i nemese 54%-y áleýmettik osal toptaǵy azamattar. Osal toptaǵy azamattardyń tólem qabiletiniń tómen bolýy páterlerdiń ýaqytyly satylmaýyna ákelip, jergilikti atqarýshy organdardyń oblıgasııalyq qaryz boryshtaryn merziminde ótelýine keri áserin tıgizedi», dedi Májilis depýtaty.
Sondyqtan depýtat О́nerkásip jáne qurylys mınıstriniń buıryǵyna tıisti ózgertýlerdi engizý arqyly osal toptaǵy azamattarǵa satylatyn páterlerdiń úlesin 70%-dan 50%-ǵa deıin tómendetýdi nemese ıpotekalyq turǵyn úı qaryzdaryn berý sharttaryn jeńildetýdi usyndy.
Ulttyq bank tóraǵasy azamattarǵa ıpotekaǵa úı alýdy keıinge qaldyrýǵa keńes berdi