S.Qojamqulov atyndaǵy Ulytaý oblystyq qazaq mýzykalyq-drama teatrynda Halyqaralyq áıelder kúnine arnalǵan «Adamzattyń asyly − ana degen...» atty merekelik kesh ótti, dep habarlaıdy Egemen.kz.
Qyz-kelinshekterge arnalǵan saltanatty kesh teatrlandyrylǵan qoıylymmen bastaldy. Qoıylym aıaqtalǵan soń jigittter zalda otyrǵan barlyq názik jandarǵa gúl taratty.
Jasandy ıntellektiniń kómegimen «Men uly dalanyń qyzymyn» atty beınebaıan kórsetildi.
8 naýryz qarsańynda poıyzdaǵy áıelderge syılyqtar taratyldy
Ulytaý oblysynyń ákimi Dastan Adaıuly adamzattyń asyly − analardy merekesimen quttyqtady.
«Búginde oblysymyzda áıelder men qyz-kelinshekterdiń sany 111 myńǵa jýyq. Bul − óńir halqynyń 51 paıyzy. Sonyń ishinde 10 myńnan astam áıel kópbalaly ana mártebesine ıe. Altyn qursaqty analardyń sany ótken jylmen salystyrǵanda 10 paıyzǵa artty. Bul − óńirimizde otbasy qundylyǵynyń nyǵaıyp, demografııalyq ósimniń artyp kele jatqanyn kórsetedi. Sonymen qatar qýanyshty jańalyqty bóliskim keledi. Aqorda tórinde Memleket basshysy Jańaarqa aýdanyndaǵy «Aqerke» bóbekjaıynyń dırektory Raıhan Smaǵulovaǵa urpaq tárbıesine jáne bilim salasynyń damýyna qosqan uzaq jylǵy eńbegi úshin «Qurmet» ordenin tabys etti», dedi óńir basshysy.
Oblys ákimi bir top ulytaýlyq áıel – analarǵa memlekettik marapatty tabys etti. Eńbek ardageri Alısa Sútbaıqyzy, Jezqazǵan mys qorytý zaýyty jóndeý qurylys jáne arnaıy jumystar sehynyń sylaqshysy Irına Patlasova, jeke kásipker Merýert Qurmanǵazyqyzy, «Neomed» JShS dırektory Maral Álııarqyzy «Eren eńbegi úshin» medalimen marapattaldy.
Qazaqstan Respýblıkasy Prezıdentiniń Jarlyǵymen Nazıra Álimjanqyzy, Lıaılıa Turashqyzy, Venera Ábdrahmanqyzy «Altyn alqa» ıegeri atandy. Márııam Sultanálıqyzy, Indıra Esbolǵanqyzy, Samal Kabdýlaqyzy, Altyn Bolatqyzy, Áıgerim Meıirjanqyzy «Kúmis alqamen» marapattaldy.
Ulytaýda Konstıtýsııalyq reformanyń máni men mańyzy talqylandy
«109» biryńǵaı baılanys ortalyǵynyń mamany Alıma Serikqyzy Prezıdenttiń quttyqtaý hatyna ıe boldy.
Úıdiń ǵana emes, túzdiń de jumysyn qatar alyp júrgen asyl jandardyń eńbegi elendi. Memlekettik mekemelerde, óndiriste, ákimshilikte, bilimde, quqyqta, ǵylymda, mádenıet pen ónerde, medısınada, kásipkerlikte jumys istep júrgen arýlar Ulytaý oblysynyń Qurmet gramotasymen, Ulytaý oblysy ákiminiń Alǵys hatymen, Ulytaý oblysynyń Qurmet gramotasymen marapattaldy.
Marapattyń sońy merekelik konserttik baǵdarlamaǵa ulasty.
Sahnada Taıjan Qalmaǵambetov atyndaǵy oblystyq fılarmonııanyń vokaldyq toby, estrada juldyzy Elaman Majenov, belgili ánshi, Qazaqstannyń eńbek sińirgen qaıratkeri Qurmash Mahan birneshe án oryndap, arýlardyń júregine jyly shýaq quıdy.
Ulytaý oblysy